Necesidade do contrato:

O retablo maior da igrexa de San Miguel de Soutopenedo está protexido polo seu valor cultural.  Co fin de garantir a protección e a conservación deste ben, esta consellería,  a través da Dirección Xeral  de  Patrimonio  Cultural,  quere  levar  adiante  unha  intervención  co  fin  de  recuperar  a funcionalidade  do  retablo,  atendendo  á  súa  restauración  integral,  freando  a  súa  deterioración, suprimindo ou minimizando os factores de alteración actuais e prevendo os futuros.

 

Os traballos necesarios para acadar o obxecto do contrato consisten, entre outros, na desinsectación, na fixación da policromía, na limpeza físico-química, na reintegración cromática e na restauración das imaxes pertencentes ao retablo.